Վերադառնալ

Քրեական գործի վարույթը կարճելու որոշման մասին

 

Խոսքը 2018 թվականին ԿԳ նախարարի հայտնի հայտարարությունից սկիզբ առած և մոտ մեկ տարի առաջ ընթացք ստացած քրեական գործի մասին է`  «Արարատյան բակալավրիատ» ծրագրի շրջանակում «հնարավոր չարաշահումների» վերաբերյալ: ՀՀ քննչական կոմիտեի կայացրած որոշումը հստակորեն փաստում է, որ «Այբ»-ի կատարած որևէ անօրինական գործողություն չի հայտնաբերվել:

Ավելի քան երեք տարի պետական ամենատարբեր կառույցներ, նույնիսկ իրավապահ մարմինները հետապնդում իրականացրին «Այբ»-ի նկատմամբ: Բազմաթիվ ստուգումների և քննության արդյունքը ցույց տվեց այն, ինչ ի սկզբանե  բացահայտ էր բոլորի համար` «Այբ»-ում չարաշահումներ չկան:

Ստիպված ենք արձանագրել, որ զգալի պետական ռեսուրսի իրացում պահանջվեց` հերքելու Արայիկ Հարությունյանի ակնհայտ անհիմն ու կանխակալ հայտարարությունները։ «Այբ» համայնքը այսպիսի պայմաններում ոչ միայն պայքարել է իր անվան և իր ստեղծած «Արարատյան բակալավրիատ» ծրագրի նկատմամբ հարձակումների դեմ, այլև առանց կանգ առնելու, հետևողականորեն շարունակել ներդրումներ կատարել, պահպանել և զարգացնել Արարատյան բակալավրիատը` Հայաստանի Հանրապետության և Արցախի աշակերտներին այն հասանելի դարձնելու նոր հնարավորություններ փնտրելով: Հարկ է արձանագրել, որ Արարատյան բակալավրիատն առ այսօր միակ հայալեզու կրթական ծրագիրն է, որն ունի միջազգային ճանաչում և համարժեք է բրիտանական A Level և ամերիկյան Advanced Placement որակավորումներին:

Ցավոք, ՀՀ ԿԳ նախարարությունը 2018 թ. առանց որևէ հիմնավորման կասեցրեց Արարատյան բակալավրիատի ներդրումը ՀՀ պետական դպրոցներում, և այդ ամենի հետևանքը եղավ այն, որ Հայաստանի մարզերում և Արցախում բազմահազար աշակերտներ զրկվեցին համաշխարհային ամենաբարձր չափանիշներին համապատասխան այդ ծրագրով անվճար սովորելու հնարավորությունից` առանց համարժեք այլընտրանք ունենալու: Փոշիացվեցին ծրագրի իրականացման նպատակով պետության և «Այբ» հիմնադրամի ներդրած հսկայական ֆինանսական միջոցներ ու բազմաթիվ մասնագետների կատարած մտավոր ներդրումները:

Մեր զավակներին պատճառված այս աններելի վնասի և դրա հետևանքների վերացման ուղղությամբ «Այբ» հիմնադրամը հետևողականորեն իրականացրել և իրականացնելու է օրենքով նախատեսված բոլոր գործողությունները:

13.12.2021
Գլխավոր Նորություններ

Մեկնարկեցին ավագ դպրոցի նոր մասնաշենքի նախագծման աշխատանքները

Դավիթ Սահակյանը և Քեթրին Հուանգը ստորագրեցին նոր մասնաշենք նախագծելու վերաբերյալ պայմանագիր։
07.04.2025

Շարունակվում է վերապատրաստման դասընթացը տնօրենների համար

Վերապատրաստումն իրականացնում են «Այբ» կրթական հիմնադրամը և ՅՈՒՆԻՍԵՖ-ը ԿԳՄՍ նախարարության հետ համատեղ և ԵՄ ֆինանսական աջակցությամբ:
14.03.2025

Մեկնարկեց «405 կրթական դաշինք» զարգացման հիմնադրամի գործունեությունը

«405 կրթական դաշինք» հիմնադրամը պաշտոնապես ազդարարեց հայկական կրթական միջավայրում համագործացկության նոր մոդելի սկիզբը։
12.03.2025

«Այբ» հիմնադրամի ներկայացուցիչները Քեմբրիջի համալսարանում

Հիմնադրամի հոգաբարձուների խորհրդի նախագահ Արամ Փախչանյանը և ռազմավարական ծրագրերի տնօրեն Տ. Մեսրոպ քհն․ Արամյանն այցելել էին Քեմբրիջ:
07.03.2025
Վերջին Նորություններ

«Այբ» ակադեմիան նախաձեռնել էր դասընթացավարների զարգացման ծրագիր

«Այբ» կրթական հիմնադրամը՝ որպես կրթության գերազանցությանը ձգտող  կառույց, կարևորում է ուսուցիչների և տնօրենների կարողությունների զարգացումը և ապահովում նրանց վերապատրաստող մասնագիտական թիմի շարունակական կրթությունը՝ հիմնվելով առաջատար փորձի ու ժամանակակից պահանջների վրա:
09.04.2025

15 փաստ Արարատյան բակալավրիատի մասին

Արարատյան բակալավրիատը Հայաստանի կրթական համակարգում հեղափոխական նախաձեռնություն է՝ հիմնված ազգային արժեհամակարգի վրա։
13.02.2025

Կրթության առաքելությանը նվիրված 19 տարի

«Այբ»-ը 19 տարեկան է։ «Այբ» կրթական հիմնադրամի ուղին պատմություն է նվիրումի, արժեքների և կրթության միջոցով ձևավորված ապագայի։
05.02.2025
Բաժանորդագրվի՛ր և եղի՛ր տեղեկացված