«Այբ» կրթական հիմնադրամի 20-ամյակին նվիրված գալա ընթրիքը
«Այբ» կրթական հիմնադրամի 20-ամյակին նվիրված գալա ընթրիքը համախմբեց կրթության փոխակերպող ուժին հավատացող համայնքին։
20 տարվա ընթացքում «Այբ»-ը համարձակ գաղափարից վերածվել է կենսունակ շարժման՝ ստեղծելով արժեքահեն կրթական միջավայր և ձևավորելով պատասխանատու քաղաքացիների նոր սերունդ։ Գալա ընթրիքը դարձավ առիթ ոչ միայն արժևորելու անցած ճանապարհը, այլև նոր հանձնառությամբ նայելու ապագային։
Երեկոյի ընթացքում կատարված նվիրատվություններն ու խոստումները կազմում են 90 097 000 դրամ և 1 160 000 ԱՄՆ դոլար, որոնք կուղղվեն «Այբ» ավագ դպրոցի նոր մասնաշենքի կառուցմանը, կրթավճարային ֆոնդի և նպատակային դրամագլխի համալրմանը, նախագծային ուսումնառության աջակցությանը և Սրբոց Թարգմանչաց եկեղեցու կառուցմանը։
Շնորհակալություն ենք հայտնում գալա ընթրիքի հովանավորներին՝ Henderson Armenia, Barry ընկերություններին, «Զանգեզուր» պղնձամոլիբդենային կոմբինատին։ Միջոցառմանն աջակցելու համար շնորհակալություն ենք հայտնում նաև Big Projects, Sharm Holding, Mon Amie ընկերություններին, ինչպես նաև ՀԽՍՀ ժողովրդական արտիստ, կոմպոզիտոր Ռոբերտ Ամիրխանյանին, «Այբ» դպրոցի շրջանավարտների «Կամար» երգչախմբին, «Այբ» դպրոցի աշակերտական երգչախմբին (խմբավար՝ Անահիտ Պապայան, կոնցերտմայստեր՝ Աննա Արզումանյան), «Այբ» դպրոցի պարախմբին (ուսուցիչ՝ Անի Գինոսյան), նախագծային ուսումնառության ակումբներին (ծրագրի ղեկավար՝ Սոնա Կոշեցյան, համակարգող՝ Գոհար Հակոբյան) և միջոցառման վարողներին՝ Հերմինե Ստեփանյանին և Հայկ Պետրոսյանին։
Յուրաքանչյուր ներդրում և աջակցություն մեզ համար հնարավորություն է՝ կրթության ուժով վերափոխելու Հայաստանն ու մեր երեխաների ապագան։