Հեռուստատեսային պրոդյուսեր, մեդիա մենեջեր

«Ստարտափ Արմենիայի» և «Վերածնունդ» մշակութային և ինտելեկտուալ հիմնադրամի հիմնադիրն է, «Հայկական ազգային երաժշտական գանձարան» նախագծի հեղինակը։ Նարեկացու գաղափարների կրող է, որի բարերարությամբ է 2018 թվականին Գրիգոր Նարեկացու արձանը կանգնեցվել Վատիկանի պարտեզում։

ՈՒՀԱ-ի թիմի իր ընկերների հետ հիմնադրել է Comedy Club ակումբային շոուն, որն ըստ «Ֆորբս» ամսագրի մտել է ռուսական ամենահաջողված կոմերցիոն նախագծերի առաջին տասնյակի մեջ։ 

Գործարար, բարերար, ֆիզիկոս

«Արար» քաղաքակրթական հետազոտությունների հիմնադրամի հոգաբարձուների խորհրդի նախագահն է, «Այբ» կրթական հիմնադրամի և «Այբ» դպրոցի համահիմնադիրներից, եղել է «Դիլիջանի կենտրոնական դպրոց» հիմնադրամի հոգաբարձուների խորհրդի նախագահը։ 

Ավարտել է Մոսկվայի ֆիզիկատեխնիկական ինստիտուտի ընդհանուր և կիրառական ֆիզիկայի ֆակուլտետը, սովորել Մոսկվայի Էկոնոմիկայի բարձրագույն դպրոցում, եղել ՀՀ պաշտպանության նախարարի տեղակալ և ռազմարդյունաբերության կոմիտեի նախագահ։

Տնտեսագետ, բարերար

Անահիտ Ադամյանը Զինծառայողների ապահովագրության հիմնադրամի հոգաբարձուների խորհրդի անդամ է, ինչպես նաև «Երևան Մարաթոնի» կազմակերպիչ, 10 տարուց ավել եղել է «Այբ» ավագ դպրոցի հոգաբարձուների խորհրդի անդամ:

Այժմ Civitta Armenia ընկերության բիզնեսի զարգացման տնօրենն է։ Ունի ավելի քան 15 տարվա փորձ բիզնես խորհրդատվության և ռազմավարության մշակման բնագավառում։ Մասնակցել է «Այբ հիբրիդային կրթություն» ծրագրի ռազմավարության մշակմանը:
 

Կրթության կառավարիչ, «Այբ» դպրոցի տնօրեն

Դավիթ Սահակյանը «Դիլիջանի կենտրոնական դպրոց» կրթական հիմնադրամի և  «Էորնեկյան» հանրակրթական դպրոցի հոգաբարձուների խորհուրդների անդամ է։ Եղել է «Այբ» դպրոցի և Մոնթե Մելքոնյանի անվան ռազմամարզական վարժարանի հոգաբարձուների խորհրդի անդամ։  

2016-2018 թթ․ պաշտոնավարել է որպես ՀՀ կրթության և գիտության նախարարի տեղակալ։ 2018 թ․-ից զբաղեցրել է «Այբ» դպրոցի գործառնական տնօրենի պաշտոնը, իսկ 2020 թ․-ից դպրոցի գործադիր տնօրենն է։

«Այբ» դպրոցի շրջանավարտ,  Reezalt Creative Labs մարկետինգային ընկերության հիմնադիր

Սիրարփի Ղասաբյանը 2011 թ․ ընդունվել է «Այբ» դպրոց։ Սա ամենաշրջադարձային տարին էր, քանի որ հենց այս կետից է սկսվել նրա կյանքի հագեցած ուսումնական և երիտասարդական գործունեության փուլը։ 

2013 թ. ավարտել է դպրոցն ու ընդունվել համալսարան, իսկ 2017 թ․ հիմնադրել իր առաջին բիզնեսը՝ Reezalt Creative Labs մարկետինգային ընկերությունը, որը լավագույններից է ոլորտում։

Հայ առաքելական եկեղեցու քահանա, աստվածաբան, գիտնական, հասարակական գործիչ և ուսուցիչ

Տ. Մեսրոպը «Այբ» դպրոցի կրթական ծրագրի (Արարատյան բակալավրիատ) հեղինակն է և հոգաբարձության խորհրդի հիմնադիր նախագահը, «Այբ» և FAST հիմնադրամների համահիմնադիր, «Գանձասար» աստվածաբանական կենտրոնի գլխավոր խմբագիրը և հիմնադիր տնօրենը, «Վեմ» ռադիոկայանի հիմնադիրը և տնօրենը, «Արարատից Սիոն» փաստագրական ֆիլմի սցենարիստը և պրոդյուսերը, սբ Գրիգոր Նարեկացու «Մատյան ողբերգության» գրքի արևելահայերեն նոր թարգմանության հեղինակը։ 
 

Անահիտ Հովհաննիսյանը 2011 թ․-ից «Այբ» դպրոցի հայոց լեզվի և գրականության առարկայախմբի ղեկավարն է, 2014 թ․-ից Հայաստանի ամերիկյան համալսարանի հրավիրյալ դասախոս, իսկ 2022 թ․-ից՝ «Այբ» կրթական հիմնադրամի ««Այբ» ակադեմիա» բաժնի ղեկավարը։ 

Բանասեր է, ԵՊՀ բանասիրության ֆակուլտետի շրջանավարտ և ՀՀ ԳԱԱ Մ․ Աբեղյանի անվան գրականության ինստիտուտի ասպիրանտ։ 2021 թ. ավարտել է Հարվարդի առցանց բիզնես դպրոցի «Դպրոցի կառավարում և առաջնորդություն» դասընթացը։