Փոխըմբռնման հուշագիր «Ստարտափ Արմենիա»-ի հետ

«Ստարտափ Արմենիա» գիտակրթական հիմնադրամի («Ստարտափ ակումբ» ծրագիր) և «Այբ» կրթական հիմնադրամի միջև կնքվեց փոխըմբռնման հուշագիր։ Համաձայն հուշագրի՝ «Այբ հիբրիդային կրթություն» ծրագրի (ԱՀԿԾ) շրջանակում «Ստարտափ Արմենիա» հիմնադրամն անցկացնելու է «Հետազոտական հմտություններ» (Research Skills) և «Նախագծային մտածողություն» (Design Thinking)  դասընթացները ԱՀԿԾ-ի բոլոր մասնակիցների համար։

ԱՀԿԾ-ի մասնակիցները հնարավորություն կունենան զարգացնելու վերլուծական հմտությունները, քննադատական մտածելակերպը, սովորելու գրագետ աշխատել տվյալների հետ, առաջ բերելու հետաքրքիր գաղափարներ և մշակելու դրանց իրագործման մեխանիզմներ։ 

«Այբ» հիբրիդային կրթությունը մրցունակ և համապարփակ կրթական ծրագիր է, որ հիմնված է Արարատյան բակալավրիատի վրա։ ԱՀԿԾ-ի առաջին փուլին մասնակցում է 66 աշակերտ. 43-ը՝ Հայաստանի Հանրապետության մարզերից և Արցախից, 23-ը՝ Երևանից։