Վերադառնալ

Պատանի քիմիկոսների 12-րդ մրցաշարն ունի հաղթող

 

2022 թվականի Պատանի քիմիկոսների մրցաշարում (ՊՔՄ) հաղթող ճանաչվեց «Հերացի» թիմը։ Կիսաեզրափակիչ փուլի մասնակից 10 թիմերից 4-ը մասնակցեցին մայիսի 8-ին կայացած եզրափակիչում, որը տեղի ունեցավ «Այբ» դպրոցում։

Հաղթողի 4 հավակնորդ թիմերն էին՝

  • «Ալմաստը» (Վաղարշապատ),
  • «Լույսը» (Վանաձոր),
  • «Հերացին» (Երևան),
  • «Ֆոտոնը» (Գյումրի)։

Գիտամարտերի ընթացքում բանավեճի առարկա էին դարձել այնպիսի թեմաներ, ինչպիսիք են անվտանգությունը լաբորատոր պայմաններում, գաղութացումը Մարսի վրա,  կանաչ քիմիայի պահանջներին բավարարող սկզբնական նյութերի սինթեզը և այլ հետաքրքիր առաջադրանքներ: Մրցաշարի գիտական բանավեճի ձևաչափը թեև թիմային է, բայց թույլ է տալիս առանձնացնել նաև մասնակիցների անհատական որակները։

Անհատական խաղով առանձնացան՝

  • Ավետ Բաղդասարյանը՝ լավագույն գրախոս («Լույս»),
  • Դավիթ Հակոբյանը՝ լավագույն ընդդիմախոս  («Հերացի»),
  • Վարդան Ասատրյանը՝ լավագույն զեկուցող  («Հերացի»)։

Սերնդափոխությունն այս մրցաշարի լավագույն ավանդույթներից է․ հատկանշական էր այս տարի նաև ժյուրիի կազմի ընտրությունը։  Գնահատողների թվում էին ոչ միայն ոլորտի փորձառու մասնագետներ, այլև մրցաշարի նախորդ տարիների հաղթող մասնակիցներ։ Համլետ Խաչատրյանը, Րաֆֆի Շահմուրադյանը, Գևորգ Ավանեսյանը, Զոհրաբ Բոյաջյանը, Տիգրան Ծատուրյանը մասնակցել են «Այբ»-ի բնագիտական բոլոր մրցաշարերին՝ ՊՔՄ-ին, Ուսանող քիմիկոսների մրցաշարին և Բնագիտության ուսանողական մրցաշարին։ Նրանցից յուրաքանչյուրն ունի հաջողության իր պատմությունն այս մրցաշարերում և այս տարի հնարավորություն ունեցավ ՊՔՄ-ում ներգրավվելու նաև ժյուրիի անդամի դերում։

Պատանի քիմիկոսների 12-րդ մրցաշարն անցավ գլխավոր գործընկերներ SolarOn-ի և ПрофХолод-ի աջակցությամբ։

Մրցաշարն անցնում է «Այբ» կրթական հիմնադրամի նախաձեռնությամբ 2010 թվականից ի վեր։ Այն միավորում է 9-12-րդ դասարանների բոլոր սովորողներին քիմիայի շուրջ՝ հարթակ դառնալով առաջին քայլերն անող գյուտարարների համար։

12.05.2022
Գլխավոր Նորություններ

«Այբ»-ի ոգեշնչող ծրագրերը և բարերարների տպավորիչ արձագանքը

«Այբ» կրթական հիմնադրամը Երևանում անցկացրեց առաջին խոշոր գալա ընթրիքը՝ կրթության գաղափարի շուրջ մեկ հարթակում միավորելով շուրջ 250 բարերարների և գործընկերների, կրթությանը նվիրված մարդկանց: Երեկոյի ընթացքում «Այբ»-ն ազդարարեց զարգացման նոր ծրագրերի մեկնարկի մասին, որոնցից երկուսը վերաբերում են «Այբ» ավանի զարգացմանն ու առանձին բաղադրիչների կառուցմանը:
21.05.2025

Մեկնարկեցին ավագ դպրոցի նոր մասնաշենքի նախագծման աշխատանքները

Դավիթ Սահակյանը և BIG ճարտարապետական կազմակերպության գործընկեր Քեթրին Հուանգը ստորագրեցին նոր մասնաշենք նախագծելու վերաբերյալ պայմանագիր։
07.04.2025

Շարունակվում է վերապատրաստման դասընթացը տնօրենների համար

Վերապատրաստումն իրականացնում են «Այբ» կրթական հիմնադրամը և ՅՈՒՆԻՍԵՖ-ը ԿԳՄՍ նախարարության հետ համատեղ և ԵՄ ֆինանսական աջակցությամբ:
14.03.2025

Մեկնարկեց «405 կրթական դաշինք» զարգացման հիմնադրամի գործունեությունը

«405 կրթական դաշինք» հիմնադրամը պաշտոնապես ազդարարեց հայկական կրթական միջավայրում համագործացկության նոր մոդելի սկիզբը։
12.03.2025
Վերջին Նորություններ

«Այբ» ակադեմիան նախաձեռնել էր դասընթացավարների զարգացման ծրագիր

«Այբ» հիմնադրամը ապահովում է վերապատրաստող թիմի շարունակական կրթությունը՝ հիմնվելով առաջատար փորձի ու ժամանակակից պահանջների վրա:
09.04.2025

«Այբ» հիմնադրամի ներկայացուցիչները Քեմբրիջի համալսարանում

Հիմնադրամի հոգաբարձուների խորհրդի նախագահ Արամ Փախչանյանը և ռազմավարական ծրագրերի տնօրեն Տ. Մեսրոպ քհն․ Արամյանն այցելել էին Քեմբրիջ:
07.03.2025

15 փաստ Արարատյան բակալավրիատի մասին

Արարատյան բակալավրիատը Հայաստանի կրթական համակարգում հեղափոխական նախաձեռնություն է՝ հիմնված ազգային արժեհամակարգի վրա։
13.02.2025
Բաժանորդագրվի՛ր և եղի՛ր տեղեկացված