Վերադառնալ

Միշտ մեր սրտում

 

Խոր վշտով հայտնում ենք, որ կյանքից հեռացել է սիրելի ուսուցիչ, գործընկեր ու գիտնական Գագիկ Գրիգորյանը: Մարդ, ով մեծ ներդրում ունի մեր երկրի կրթության ու գիտության զարգացման մեջ: Մարդ, առանց որի չէր լինի «Այբ»-ը՝ Հայաստանում կրթության նոր որակ ու կրթական աննախադեպ շարժում, որը վերափոխել է բազմաթիվ աշակերտների, գործընկերների ու ընկերների կյանքը:

Գագիկ Գրիգորյանի ազդեցությունը, նվիրյալ աշխատանքն ու կրթության նկատմամբ կրքոտ վերաբերմունքն էր, որ «Այբ»-ի համահիմնադիրներին միավորեց «Այբ» գաղափարի շուրջ՝ նպատակ ունենալով ստեղծելու Հայաստանում համաշխարհային մակարդակով մրցունակ կրթական համակարգ՝ հիմնված քննադատական մտածողության, նորարարության և ստեղծարարության վրա: Այս սկզբունքներով էր Գագիկ Վարդանիչը գիտությամբ ոգեշնչում ու կրթությամբ վարակում իր աշակերտներին: Ու այդ սկզբունքներով էին ոգեշնչված «Այբ»-ի հիմնադիրները, երբ ձևավորեցին ու կյանքի կոչեցին «Այբ» կրթական շարժման տեսլականն ու նպատակը՝ որպես երախտագիտություն իրենց կյանքում և կայացման մեջ սիրելի ուսուցչի՝ Գագիկ Վարդանիչի ներդրման:

Գագիկ Գրիգորյանը «Այբ»-ի հիմքերում է ամենասկզբից, երբ 2008-ին միացավ հիմնադրամի թիմին՝ մասնակցելով կրթական նորարար նախագծերի մշակման աշխատանքներին, իսկ 2011-ից՝ «Այբ» դպրոցի հիմնադրման օրվանից առ այսօր դասավանդում էր նաև դպրոցում՝ շարունակելով կրթել և գիտությամբ ոգեշնչել «Այբ»-ի արդեն 11-րդ սերնդին, ընդհանուր՝ շուրջ 500 աշակերտների:

Նա նաև 2008 թվականից «Այբ» կրթական հիմնադրամի կողմից կազմակերպվող «Կենգուրու» միջազգային մրցույթի լիազոր ներկայացուցիչն էր Հայաստանում։ Նրա շնորհիվ է մրցույթը եկել Հայաստան ու Արցախ և ստեղծել մի մեծ մաթեմատիկական շարժում՝ 445 152 մասնակիցներով:

Գագիկ Գրիգորյանը ոչ միայն նվիրյալ ուսուցիչ էր, այլև գիտնական, ում ներդրումը հայկական կրթական համակարգում անգնահատելի մեծ է: Նա ֆիզիկամաթեմատիկական գիտությունների թեկնածու է։ Ավարտել է Մոսկվայի ֆիզիկատեխնիկական ինստիտուտը, միջազգային օլիմպիադաների ժյուրիի անդամ էր և ֆիզիկայի օլիմպիադաների հայաստանյան թիմերի ղեկավարը։ Նրա ղեկավարությամբ Հայաստանը նվաճել է ֆիզիկայի միջազգային օլիմպիադաների տասնյակ մեդալներ: Գագիկ Գրիգորյանը 1983 թվականից աշխատում էր նաև Ֆիզմաթ դպրոցում որպես ֆիզիկայի ուսուցիչ և գիտաշխատող: Հեղինակ և համահեղինակ է 35 գիտական հոդվածի և 30-ից ավելի դասագրքերի ու ուսումնական ձեռնարկի:

Գագիկ Գրիգորյանը իրական մարմնավորումն էր այն արժեքների, որոնց հիման վրա ստեղծվել ու որոնցով առաջնորդվում է «Այբ»-ը: Նա ոգեշնչում է մեզ բոլորիս մեր բոլոր գործերում ձգտելու գերազանցության, և նրա ժառանգությունը կշարունակի լուսավորել հայկական կրթական համակարգը:

Հանգչե՛ք խաղաղությամբ, սիրելի՛ Գագիկ Վարդանիչ։ Ձեր գործն անմահ է, քանզի Ձեր աշակերտները կփայփայեն ու վառ կպահեն կրթության ջահը: Ցավակցություն ու զորակցություն ենք հայտնում Գրիգորյան ընտանիքին և հարազատներին ու կիսում մեծ կորստի ծանր վիշտը:

18.04.2023
Գլխավոր Նորություններ

«Այբ» կրթական հիմնադրամի ուղերձն Ուսուցչի օրվա կապակցությամբ

«Այբ» համայնքի անունից շնորհավորում ենք ուսուցիչներին և երախտագիտություն հայտնում սերունդներ կրթելու առաքելությանը նվիրվելու համար:
05.10.2025

«Կրթության կառավարում և առաջնորդություն» դասընթացի նոր փուլը

Ծրագրին մասնակցում են «Մեկ ձայն» ասոցիացիայի և որոշ հանրակրթական ուսումնական հաստատությունների անդամներ։
25.09.2025

Դիլիջանի ավագ դպրոցում մեկնարկեց «Այբպրո» նախագծային ուսումնառության ծրագիրը

Ծրագիրը կյանքի է կոչվում «Կերոն» զարգացման հիմնադրամի և «Այբ» կրթական հիմնադրամի համագործակցությամբ։
22.09.2025

Աշխարհահռչակ BIG-ը՝ «Այբ» ավագ դպրոցի նոր մասնաշենքի նախագծի հեղինակ

Սեպտեմբերի 4-5-ին դանիական հեղինակավոր BIG ընկերության պատվիրակությունը՝ BIG-ի գործընկեր Քեթրին Հուանգի գլխավորությամբ, Երևանում էր։
08.09.2025
Վերջին Նորություններ

«Այբ» կրթական հիմնադրամն ունի նոր տնօրեն

Սեպտեմբերի 1-ին «Այբ» կրթական հիմնադրամի հոգաբարձուների խորհրդի նախագահ Արամ Փախչանյանն աշխատակազմին ներկայացրեց հիմնադրամի նորանշանակ տնօրեն Վահե Գաբրիելյանին:
04.09.2025

«Այբ»-ը` IACAC համաժողովի մասնակից

Ռուզաննա Մայիլյանը երկրորդ անգամ ներկայացրեց «Այբ»-ի գործունեության և ԱԲ-ի յուրահատկությունները IACAC-ի ամենամյա համաժողովում:
22.07.2025

«Կրթության կառավարում և առաջնորդություն» վերապատրաստման ծրագրի նոր փուլի մեկնարկը

Հայտարարում ենք «Կրթության կառավարում և առաջնորդություն» վերապատրաստման ծրագրի նոր փուլի մեկնարկի մասին։
04.07.2025
Բաժանորդագրվի՛ր և եղի՛ր տեղեկացված