Թարգմանչաց տոնն Օշականում
«Թարգմանչաց շարժումը դարձավ հայ ժողովրդի ճանաչողական, արժեքային և մշակութային ամբողջականությունը ապահովող առանցքը: Մենք նվիրականացրել ենք թարգմանության գաղափարը և Սրբոց Թարգմանչաց հատուկ տոն սահմանել` որպես մեր ինքնության կարևոր վկայություն»:
Տեր Մեսրոպ քահանա Արամյան
«Այբ»-ը Թարգմանչաց շարժման յուրատեսակ շարունակությունն է և առաջնորդվում է Հայաստանում կրթության բարձր նշաձող սահմանելու նույն գաղափարով։
Ավանդույթի համաձայն այս տարի էլ Օշականում տոնը համախմբել էր «Այբ» համայնքին։ Իսկ 10-րդ դասարանցիների հետ «Այբ» կրթական հիմնադրամի և «Այբ» դպրոցի համահիմնադիր Տ. Մեսրոպ քահանա Արամյանը, «Այբ» կրթական հիմնադրամի ՀԽ նախագահ Արամ Փախչանյանը և «Այբ» կրթական հիմնադրամի գործադիր տնօրեն Վահե Գաբրիելյանը խոսեցին Թարգմանչաց շարժման և տոնի խորհրդի, առաքելության և նշանակության մասին։ Զրույցին միացավ «Այբ» դպրոցի հոգևոր հովիվ Տ. Աշոտ քահանա Սաֆարյանը։
Հանդիպումը դարձավ կարևոր հիշեցում այն մասին, որ Թարգմանչաց արժեքները շարունակվում են այսօր էլ՝ կրթության, լեզվի և մտածողության միջոցով: