Վերադառնալ

Մեկնարկում ենք 42 մենտոր դպրոցների հետ մեր համագործակցությունը

 

Հաշվի առնելով հանրակրթության պետական չափորոշչի ներդրման մարտահրավերային գործընթացում դպրոցների առջև ծառացած խնդիրները և հետամուտ լինելով փետրվարին ԿԳՄՍ նախարար Ժաննա Անդրեասյանի հետ հանդիպմանը նախարարության ընդգծած առաջնահերթություններին՝ օրերս նախաձեռնել էինք առցանց հանդիպում նախարարության ընտրած մենտոր դպրոցների տնօրենների հետ։


Հանդիպմանը՝                                                                                                                                    

  • ներկայացրինք մեր հնարավոր աջակցության շրջանակը` ելնելով նախապես դուրս բերված կարիքներից.
  • ԱԲ-ի թեկնածու դպրոցների և Տավուշի դպրոցների տնօրենները ներկայացրին «Այբ»-ի մասնագիտական վերապատրաստումների վերաբերյալ իրենց փորձառությունը. 
  • տնօրենների հետ քննարկեցինք մենտոր դպրոցների հիմնական խնդիրներն ու նպատակները։

Ամփոփելով՝ պատրաստակամություն հայտնեցինք առաջիկա 4 ամիսների ընթացքում՝

  • դպրոցներին տրամադրելու նախագծային ուսումնառության մասին տեսադասերի շարքը և դրա հիման վրա իրականացնելու փոխգործուն առցանց սեմինարներ,
  • անցկացնելու մենտորության գաղափարի, նպատակի և նշանակության թեմայով վեբինարներ,
  • դուրս բերելու համագործակցության այլ ձևաչափեր և թեմաներ՝ ելնելով դպրոցների կարիքներից ու առաջնահերթություններից։

Մասնակիցների առաջարկով «Այբ»-ն առաջիկայում համատեղ աշխատանքային հարթակ կստեղծի` հնարավորություն ստեղծելով միասին քննարկելու լավագույն փորձը, դուրս բերելու արդի խնդիրները և քննարկելու դրանց լուծման արդյունավետ տարբերակներ։

Կրթական համակարգում առաջնորդության, փոխօգնության և մենտորության ինստիտուտների կայացումն ու ամրացումը մեր մեծ նպատակներից են։

«Այբ»-ը, հիմնվելով Արարատյան բակալավրիատի, Տավուշում ուսուցիչներին ու դպրոցի ղեկավար կազմին հանրակրթական պետական չափորոշիչի փորձարարական ծրագրով վերապատրաստելու, ինչպես նաև նախագծային ուսումնառության իր առաջատար փորձի վրա, պատրաստ է ուղղորդող հարթակ լինելու մենտոր դպրոցների համայնքի և, նրանց առաջնորդությամբ, հանրապետության մյուս դպրոցների զարգացման համար։

26.05.2023
Գլխավոր Նորություններ

«Կրթության կառավարում և առաջնորդություն» վերապատրաստման ծրագրի նոր փուլի մեկնարկը

Հայտարարում ենք «Կրթության կառավարում և առաջնորդություն» վերապատրաստման ծրագրի նոր փուլի մեկնարկի մասին։
04.07.2025

Արարատյան բակալավրիատի նոր դպրոց

Դիլիջանի կենտրոնական դպրոցը սեպտեմբերից կունենա ավագ բաղադրիչ, որտեղ կրթությունը կկազմակերպվի միջազգային ճանաչում ունեցող «Արարատյան բակալավրիատ» ծրագրով:
02.07.2025

Ամփոփեցինք «Կրթության կառավարում և առաջնորդություն» յոթամսյա ծրագիրը

Ամփոփվեց հանրակրթական ուսումնական հաստատությունների տնօրենների հավակնորդների համար նախատեսված «Կրթության կառավարում և առաջնորդություն» վերապատրաստման փորձնական ծրագիրը:
26.06.2025

«Այբ»-ի ոգեշնչող ծրագրերը և բարերարների տպավորիչ արձագանքը

«Այբ» կրթական հիմնադրամը Երևանում անցկացրեց առաջին խոշոր գալա ընթրիքը՝ կրթության գաղափարի շուրջ մեկ հարթակում միավորելով շուրջ 250 բարերարների և գործընկերների, կրթությանը նվիրված մարդկանց:
22.05.2025
Վերջին Նորություններ

«Այբ» ակադեմիան նախաձեռնել էր դասընթացավարների զարգացման ծրագիր

«Այբ» հիմնադրամը ապահովում է վերապատրաստող թիմի շարունակական կրթությունը՝ հիմնվելով առաջատար փորձի ու ժամանակակից պահանջների վրա:
09.04.2025

Մեկնարկեցին ավագ դպրոցի նոր մասնաշենքի նախագծման աշխատանքները

Դավիթ Սահակյանը և BIG ճարտարապետական կազմակերպության գործընկեր Քեթրին Հուանգը ստորագրեցին նոր մասնաշենք նախագծելու վերաբերյալ պայմանագիր։
07.04.2025

Շարունակվում է վերապատրաստման դասընթացը տնօրենների համար

Վերապատրաստումն իրականացնում են «Այբ» կրթական հիմնադրամը և ՅՈՒՆԻՍԵՖ-ը ԿԳՄՍ նախարարության հետ համատեղ և ԵՄ ֆինանսական աջակցությամբ:
14.03.2025
Բաժանորդագրվի՛ր և եղի՛ր տեղեկացված