Վերադառնալ

«Մեղու»-ն միավորում է նաև լրատվամիջոցներին

 

Դեկտեմբերի 14-ին «Մեղու. հայերենը բոլորի համար» մրցույթի շուրջ համախմբվեցին վեց լրատվամիջոցների՝ «Հետք» պարբերականի, «Արմենպրես» լրատվական գործակալության, «Մեդիամաքս» լրատվական ինտերնետ–պարբերականի, «Ազատություն» ռադիոկայանի, «Սպուտնիկ Արմենիա» գործակալության և «Առավոտ» օրաթերթի երեք հոգանոց թիմերը։

Մամուլին հարմարեցված խաղ–մրցույթն անցկացվեց «Այբ» կրթական հիմնադրամի 15-ամյակի միջոցառումների շրջանակում՝ «Այբ» դպրոցում։ Երկու փուլերի արդյունքում մրցույթի հաղթող ճանաչվեց «Հետքի» թիմը։ Երկրորդ և երրորդ մրցանակային տեղերը զբաղեցրին համապատասխանաբար «Սպուտնիկ Արմենիա»-ի և «Ազատություն» ռադիոկայանի թիմերը։

«Այբ» կրթական հիմնադրամի գործադիր տնօրեն Սոնա Կոշեցյանն ուրախությամբ նշեց, որ մայրենիի հանդեպ սերը մասնակից թիմերին կարողացավ միավորել «Մեղու» մրցույթի շուրջ։ 2014  թվականից ի վեր մրցույթն ունեցել է 220 հազար մասնակից, իսկ 2021-ին դրան մասնակցում են նաև լրատվամիջոցները՝ ներգրավվելով կրթության մեջ։ Նա ընդգծեց 15-ամյա գործունեության ընթացքում «Այբ»-ի անցած ճանապարհը մամուլի հետ՝ կարևորելով հատկապես վերջին տարիներին կրթությանն առնչվող նյութերի ընթերցողների թվի աճը և դրանում կրթական նախագծերը լուսաբանող լրատվամիջոցների աջակցությունն ու դերը։

Միջոցառումը հյուրընկալած «Այբ» դպրոցի տնօրեն Դավիթ Սահակյանը 15-ամյա կրթական շարժմանն իր անդրադարձում խոսեց լրատվամիջոցների հետ գործընկերությունից և նրանց՝ որպես լեզվի կարևոր գործակալների դերից. «Մամուլն իր մեջ խտացնում է գիտելիքների, գաղափարների փոխանցման պարզ կրթական գործառույթը, ուղենշում՝ ինչպես պետք է գրագետ գրել։ Մյուս կողմից, այն մեզ փոխանցում է լսարանի կրթական պահանջները։ Մրցույթի անցկացման վայրն այս տարի իր 10-ամյակը նշող «Այբ» դպրոցն է, որը, ստեղծվելով ամբողջովին համայնքի նվիրատվությունների շնորհիվ, սոցիալական բացառիկ ծրագիր է մասնավոր կրթության ոլորտում»։

Վերջում թիմերը շրջայց կատարեցին «Այբ» դպրոցում և ծանոթացան նորարարական սկզբունքներով ստեղծված դպրոցի պատմությանն ու գործունեությանը։

2021 թվականին առաջին անգամ «Մեղու» մրցույթն անցկացվեց նաև նոր՝ լրատվամիջոցներին հարմարեցված ձևաչափով։ Նպատակն էր հայերենի հանդեպ հոգածությամբ ու սիրով համախմբել նաև լեզվի պահպանման ու տարածման մեջ կարևոր դեր ունեցող լրատվամիջոցներին։

17.12.2021
Գլխավոր Նորություններ

«Այբ» կրթական հիմնադրամի ուղերձն Ուսուցչի օրվա կապակցությամբ

«Այբ» համայնքի անունից շնորհավորում ենք ուսուցիչներին և երախտագիտություն հայտնում սերունդներ կրթելու առաքելությանը նվիրվելու համար:
05.10.2025

«Կրթության կառավարում և առաջնորդություն» դասընթացի նոր փուլը

Ծրագրին մասնակցում են «Մեկ ձայն» ասոցիացիայի և որոշ հանրակրթական ուսումնական հաստատությունների անդամներ։
25.09.2025

Դիլիջանի ավագ դպրոցում մեկնարկեց «Այբպրո» նախագծային ուսումնառության ծրագիրը

Ծրագիրը կյանքի է կոչվում «Կերոն» զարգացման հիմնադրամի և «Այբ» կրթական հիմնադրամի համագործակցությամբ։
22.09.2025

Աշխարհահռչակ BIG-ը՝ «Այբ» ավագ դպրոցի նոր մասնաշենքի նախագծի հեղինակ

Սեպտեմբերի 4-5-ին դանիական հեղինակավոր BIG ընկերության պատվիրակությունը՝ BIG-ի գործընկեր Քեթրին Հուանգի գլխավորությամբ, Երևանում էր։
08.09.2025
Վերջին Նորություններ

«Այբ» կրթական հիմնադրամն ունի նոր տնօրեն

Սեպտեմբերի 1-ին «Այբ» կրթական հիմնադրամի հոգաբարձուների խորհրդի նախագահ Արամ Փախչանյանն աշխատակազմին ներկայացրեց հիմնադրամի նորանշանակ տնօրեն Վահե Գաբրիելյանին:
04.09.2025

«Այբ»-ը` IACAC համաժողովի մասնակից

Ռուզաննա Մայիլյանը երկրորդ անգամ ներկայացրեց «Այբ»-ի գործունեության և ԱԲ-ի յուրահատկությունները IACAC-ի ամենամյա համաժողովում:
22.07.2025

«Կրթության կառավարում և առաջնորդություն» վերապատրաստման ծրագրի նոր փուլի մեկնարկը

Հայտարարում ենք «Կրթության կառավարում և առաջնորդություն» վերապատրաստման ծրագրի նոր փուլի մեկնարկի մասին։
04.07.2025
Բաժանորդագրվի՛ր և եղի՛ր տեղեկացված