Վերադառնալ

«Այբ»-ը՝ ԱՄՆ IACAC-ի հոբելյանական 30-րդ համաժողովի մասնակից

 

«Այբ» դպրոցի և «Այբ» կրթական հիմնադրամի ներկայացուցիչներ Աննա Ակոպյանը և Ռուզաննա Մայիլյանը մասնակցեցին Ֆլորիդայի միջազգային համալսարանում տեղի ունեցած Համալսարանական ընդունելության խորհրդատվության միջազգային ասոցիացիա (IACAC - International Association for College Admission Counseling)  հոբելյանական 30-րդ համաժողովին։

Համաժողովը հարթակ է տրամադրում կրթության ոլորտի մասնագետներին՝ կիսելու իրենց փորձը, քննարկելու նորարարական մոտեցումները և ձևավորելու նոր գործընկերություններ: Համաժողովն իր բովանդակությամբ, ձևաչափով և մասնագիտական համայնքի ներգրավվածությամբ ամենախոշոր միջոցառումներից մեկն է աշխարհում. նրան մասնակցում են մոտ 1500 կրթական կազմակերպություններ՝ դպրոցական և բուհական ուսումնական հաստատություններ ամբողջ աշխարհից։

«Այբ» դպրոցի համայնքի գծով տնօրեն Աննա Ակոպյանը և «Այբ» կրթական հիմնադրամի «Արարատյան բակալավրիատ» կրթական ծրագրի համակարգող Ռուզաննա Մայիլյանը համաժողովի ընթացքում ներկայացրին «Այբ»-ի գործունեության և Արարատյան բակալավրիատի յուրահատկությունները:

Բացի դրանից, «Այբ»-ի ներկայացուցիչներն ակտիվորեն մասնակցեցին տարբեր սեմինարների: Շփվելով կրթական փորձագետների և մասնագետների հետ՝ «Այբ»-ի ներկայացուցիչները խորացրին իրենց պատկերացումները կրթական ոլորտի ընթացիկ միտումների մասին և արժեքավոր պատկերացումներ ձեռք բերեցին դասավանդման նորարարական մեթոդների, տեխնոլոգիաների ներմիավորման և անհատականացված ուսուցման մոտեցումների վերաբերյալ:

IACAC  2023-ում «Այբ»-ն ընդլայնեց իր գործընկերների ցանցը՝ հարթելով ապագա համագործակցության և գիտելիքների փոխանակման նոր ուղիներ:

18.08.2023
Գլխավոր Նորություններ

Մեկնարկել է հոգաբարձուների խորհրդի ձևավորման գործընթացը

«Այբ» կրթական հիմնադրամի և «Այբ» դպրոցի հոգաբարձուների խորհուրդների կազմը ձևավորվում է 2 տարի ժամկետով՝ մասնակցային ու բաց մոդելի հիման վրա։
02.11.2023

«Այբ հիբրիդային կրթություն» ծրագրի փակումը

Մեկուկես տարի տևած նախագծի ընթացքում այսօր արդեն ծրագրի շրջանավարտները հասցրել են իրագործել ԲՏՃՄ նախընտրելի առարկաներից նախագծեր
31.10.2023

«Կենգուրու», «Մեղու» և այբական մի շարք մրցույթներ այսուհետ անցկացնելու է «Քոնթեստս Լաբ»-ը

«Այբ» կրթական հիմնադրամը «Քոնթեստս Լաբ» կրթական ՀԿ-ին է փոխանցում իր ստեղծած և 2008-ից իրականացվող մրցույթների անցկացման իրավունքը:
20.10.2023
Վերջին Նորություններ

«Այբ» կրթական հիմնադրամն ունի նոր գործադիր տնօրեն

Հիմնադրամի նոր գործադիր տնօրեն Գոհար Հովհաննիսյանն ուղերձով դիմել է համայնքին և հանրությանը։
18.10.2023

275 բնապահպանական նախագիծ և վերապատրաստված 376 ուսուցիչ

Ամփոփեցինք Հայաստանի 6 մարզում նախագծային ուսուցումը կիրառելու առաջին մեծածավալ աշխատանքների արդյունքները։
03.07.2023
Բաժանորդագրվի՛ր և եղի՛ր տեղեկացված