«Արհեստական բանականության (ԱԲ) սերունդ» ծրագրի ամփոփումը
Ամփոփեցինք «ԱԲ սերունդ» ծրագրի շրջանակում իրականացվող ուսուցիչների կարողությունների զարգացմանն ուղղված վերապատրաստումների ևս մեկ փուլ։
Ծրագրին մասնակցող 38 ուսուցիչ մանկավարժական ու մասնագիտական վերապատրաստումներ են անցնում թե՛ առցանց, թե՛ առկա ձևաչափով՝ շարունակաբար բարելավելով իրենց հմտությունները։
Այս անգամ վերապատրաստման թեմաներն էին՝
- Նախագծահեն ուսումնառություն. «Ոսկե չափանիշը» և նրա 3 տարրերը.
- Նախագծի թեմայի ընտրություն և խմբերի ձևավորում.
- Հետազոտության խնդրի ձևակերպում, նպատակի և վերջնարդյունքի սահմանում.
- Նախագծային աշխատանքի գնահատում։
.jpg)
«Այբ» դպրոցում անցած երկօրյա դեմառդեմ հանդիպումները եզրափակեցինք FAST-ի գրասենյակում ուսուցիչների, վերապատրաստողների և մասնագիտական համայնքի ներկայացուցիչների հետ միասին։ Հանդիպման ժամանակ քննարկեցինք «ԱԲ սերունդի» նպատակներն ու ընթացքը, YerevaNN-ի տնօրեն Հրանտ Խաչատրյանի հետ բացահայտեցինք ԱԲ-ի ոլորտում համաշխարհային զարգացումները, զրուցեցինք ու կիսեցինք տպավորությունները մեր համագործակցության շուրջ։
Վստահ ենք` նոր գիտելիքի, մեթոդների և հմտությունների ներդրումը հնարավորություն կտա մեծացնելու դասավանդման արդյունավետությունը՝ թույլ տալով «ԱԲ սերունդի» ուսուցիչներին ավելի հետաքրքիր դարձնել մաթեմատիկան և համակարգչային գիտությունը ծրագրում ներգրավված բոլոր աշակերտների համար։