«Այբ» կրթական հիմնադրամն ունի նոր տնօրեն

Սեպտեմբերի 1-ին «Այբ» կրթական հիմնադրամի հոգաբարձուների խորհրդի նախագահ Արամ Փախչանյանն աշխատակազմին ներկայացրեց հիմնադրամի նորանշանակ տնօրեն Վահե Գաբրիելյանին, որը երկար տարիներ զբաղվել է դիվանագիտական գործունեությամբ, իսկ 2010 թ․-ից՝ ԱԳՆ դիվանագիտական դպրոցի հիմնումից ի վեր, ղեկավարել այդ հաստատությունը:

ՀԽ նախագահը շնորհակալություն հայտնեց հիմնադրամի նախորդ տնօրեն Գոհար Հովհաննիսյանին՝ ռազմավարական փոփոխությունների այս փուլում հաջողությամբ առաջնորդելու և ակնկալվող գործառույթներն ու ինստիտուցիոնալ զարգացումներն ապահովելու համար:

Ողջունելով նոր տնօրենին «Այբ»-ում՝ Արամ Փախչանյանը կարևորեց նրա փորձառությունը և մաղթեց արդյունավետ աշխատանք։

Գոհար Հովհաննիսյանը կշարունակի իր աշխատանքն «Այբ» դպրոցում՝ որպես անձնակազմի ու ինստիտուցիոնալ զարգացման գծով ղեկավար: