Վարպետության դասեր «Այբ» դպրոցում - Նորություններ | «Այբ» կրթական հիմնադրամ
  • Վարպետության դասեր «Այբ» դպրոցում

Վարպետության դասեր «Այբ» դպրոցում

30 սեպտեմբերի / 2016

Այս տարի «Այբ» հիմնադրամը նշում է Հայաստանի կրթական ոլորտում իր գործունեության 10-ամյակը և տոնական միջոցառումների շարքում կազմակերպում է վարպետության դասեր, որոնք տեղի կունենան հոկտեմբերի 8-ին՝ ժամը 11։00-ից 14։00-ն, «Այբ» դպրոցի «Հայաստան» դահլիճում:

 

Դասերը կվարեն «Այբ» ակումբի անդամներ, համաշխարհային ճանաչում ունեցող մասնագետներ Դավիթ Յանը, ԱՄՆ (ՏՏ ոլորտի հայտնի գործարար և առաջատար փորձագետ, ABBYY ընկերության հիմնադիր և տնօրենների խորհրդի անդամ, «iiko» ընկերության համահիմնադիր և տնօրենների խորհրդի նախագահ, «Findo» ընկերության համահիմնադիր և նախագահ), Ռուբեն Հարությունյանը, Ռուսաստան (գործարար, «Henderson» ընկերությունների խմբի հիմնադիր և գլխավոր տնօրեն) և Արամ Փախչանյանը, Հայաստան (ABBYY ընկերության փոխնախագահ, «Այբ» դպրոցի տնօրեն)։

 

Վարպետության դասերի թեմաներն են․
•    Դավիթ Յան․ «Կարո՞ղ է արդյոք համակարգիչը ստեղծագործել։ Արհեստական բանականություն, խոր նեյրոնային ցանցեր»
•    Ռուբեն Հարությունյան․ «Հաջողակ բիզնեսի գաղտնիքը․ ո՞րն է ավելի կարևոր՝ մարդի՞կ, թե՞ գործընթացները»
•    Արամ Փախչանյան․ «Կրթության մարտահրավերները․ ինչ է մեզ սպասում ապագայում»

 

Միջոցառմանը գրանցվելու համար հետևեք հղմանը:

Ծանոթացի՛ր մեր ծրագրերին