Դեպի նոր դպրոց՝ նոր հմտություններով
«Այբ» կրթական հիմնադրամը «Հայաստանի մանուկներ» բարեգործական հիմնադրամի հետ (Children of Armenia Fund, COAF) համագործակցությամբ իրականացրեց Դեբեդի դպրոցի ուսուցիչների մանկավարժական և մասնագիտական զարգացման եռամսյա վերապատրաստումներ՝ նպատակ ունենալով փոխանցել ուսուցման աշակերտակենտրոն և նորարար մեթոդներ։
«Այբ»-ը, հիմնվելով կրթական օրինակելի միջավայր ստեղծելու իր առաքելության և ուսուցիչների հետ աշխատանքի բազմամյա փորձի վրա, Դեբեդի ուսուցիչներին փոխանցեց այսօր ամենապահանջված գիտելիքն ու հմտությունները, որոնք նպաստելու են ավելի հետաքրքիր և արդյունավետ ուսումնական գործընթացի կազմակերպմանն ու աշակերտների կարողությունների զարգացմանը։
Ավելի վաղ COAF-ը սկսել էր Դեբեդի դպրոցի կառուցումը՝ հիմնվելով համայնքի զարգացման և երեխաների կրթության հավասար հնարավորությունների ապահովման գաղափարների վրա։ «Այբ»-ը պատրաստակամ է շարունակաբար աջակցել Հայաստանի կրթության բարելավման գաղափարներին և որակյալ կրթությունը հասանելի դարձնել բոլորին։