«Այբ հիբրիդային կրթություն» ծրագրի փակումը
Օրերս առցանց ձևաչափով ամփոփեցինք «Այբ հիբրիդային կրթություն» ծրագիրը։
Մեկուկես տարի տևած նախագծի ընթացքում այսօր արդեն ծրագրի շրջանավարտները հասցրել են իրագործել ԲՏՃՄ նախընտրելի առարկաներից նախագծեր, հանձնելով քննություն՝ ստանալ ծրագրի և աշխարհի ավելի քան 150 լավագույն համալսարանների կողմից ճանաչվող Արարատյան բակալավրիատի դիպլոմ, դառնալ #այբհամայնքի մասնիկը և կրել արժեքահեն կրթության լույսը։
«Բացի գիտելիքից, որը ես ստացել եմ հիբրիդային կրթության ընթացքում, ինքս ինձ համար մեծ բացահայտումներ եմ հասցրել անել։ Օրինակ՝ տեր Մեսրոպի դասընթացի՝ «Ինքնություն և արժեքների» շնորհիվ ես հասկացել եմ, թե ինչքան աճելու տեղ ունեմ և թե այն գիտելիքը, որ արդեն ունեմ և իմն է, ինչքան քիչ է։ Շնորհակալ եմ այս զգացողության և նման հնարավորության համար»։
Եվա, «Այբ հիբրիդային կրթություն» ծրագրի շրջանավարտ
.jpg)
Հիմնադրամը մեկնարկել էր «Այբ հիբրիդային կրթություն» ծրագիրը 2022-ի հունվարին՝ լավագույն կրթությունը բոլորին հասանելի դարձնելու մեծ նպատակով։ Ծրագիրը հիմնված է Արարատյան բակալավրիատի վրա։ Ծրագրի առաջին փուլին մասնակցեցին 60-ից ավելի պատանիներ Հայաստանից և Արցախից։ Ծրագիրն ամբողջությամբ անվճար է։