«Այբ» ակադեմիան «Այբ» կրթական հիմնադրամի այն բաժինն է, որ զբաղվում է մանկավարժների և կրթական առաջնորդների մասնագիտական զարգացմամբ ու հնարավորությունների ընդլայնմամբ՝ Հայաստանում և նրա սահմաններից դուրս կրթական համակարգը նորարարական դասավանդմամբ, բարեփոխված կրթական ծրագրերով, փաստահեն մոտեցումներով և գործնական հետազոտություններով վերափոխելու նպատակով։ Ակադեմիան համագործակցում է ուսուցիչների, դպրոցների տնօրենների ու առաջնորդների հետ նրանց աշխատանքային գործունեության բոլոր փուլերում։
Ձևավորել համագործակցող կրթական մասնագիտական ուժեղ համայնք, որը սովորողներին նախապատրաստում է ապագա մարտահրավերներին և հնարավորություններին։
Որպես կրթության ոլորտում երկարամյա փորձ ունեցող կազմակերպություն՝ մենք այդ առաջադեմ փորձը տարբեր նախաձեռնություններով փոխանցում ենք ուսուցիչներին, ուժեղացնում ուսուցչական համայնքը մեր երկրում։
Միայն 2025 թ․ 3804 մասնակից, 152 աշխատաժողով, 8 ծրագիր