Կյանքի հիմնարար հմտություններ

Ինչ խնդիր ենք լուծում

Նախաձեռնության խնդիրն է սոցիալ-հուզական ուսումնառության միջոցով նպաստել դեռահասների կարողությունների զարգացմանը՝ հասարակական համերաշխության, հետպատերազմական իրականությանը համայնքների հարմարման, վերականգնման և սոցիալական զարգացման նպատակով։ 6 ամսում այցելել ենք Հայաստանի 9 մարզի 22 համայնքների գրեթե բոլոր ավագ դպրոցներ և կրթական հասարակական կազմակերպություններ։

Ինչպես ենք դա անում

Ծրագիրն իրականացվել է երկու փուլով։
• Առաջին փուլում (փետրվար-հուլիս) դասընթացներն անցկացվել են Գեղարքունիքի և Տավուշի մարզերում, ինչպես նաև Աշտարակ և Երևան քաղաքներում (350 դեռահաս, 60 մարզային մասնագետ)։
• Երկրորդ փուլում (հուլիս-հունվար), որն իրագործվել է Ճապոնիայի դեսպանատան հովանավորությամբ, դասընթացներն անցկացվել են Սյունիքի, Վայոց ձորի, Արարատի, Արմավիրի և Կոտայքի մարզերում (500 դեռահաս, 75 մարզային մասնագետ)։

Ինչ արդյունք ունենք

Ծրագրի մասնակից խմբերը ստեղծվել են ներգրավված դեռահասների հոգեբանական կարիքների հիման վրա։
•   Ընդհանուր խմբեր՝ 25
•   Մասնակիցներ (ըստ խմբի)՝ 16-20
•   Թեմատիկ բաղադրիչ՝ 2

Երկփուլ դասընթացներին ընդհանուր առմամբ մասնակցել է՝
• 850 դեռահաս,
• 135 մարզային մասնագետ։

Ստրեսի կառավարման հմտությունները՝ մասնակիցների գնահատմամբ
• 50% - մինչև ծրագրի մեկնարկը
• 81% - ծրագրի ավարտին