«Քան» ակադեմիա

Սոցիալական, անվտանգային, ֆիզիկական սահմաններն ու սահմանափակումները կարող են խոչընդոտել երեխաների ուսումնառությունը և ազդել կրթության որակի վրա։ ՀՀ բոլոր մարզերի և Արցախի սովորողների համար հավասար կրթական հնարավորությունների ապահովմանն է ուղղված «Քան» ակադեմիայի հայալեզու հարթակը։ Այն ապահովում է անվճար, համաշխարհային կարգի մրցունակ, հայալեզու կրթություն բոլոր սովորողների համար անկախ տարիքից և գտնվելու վայրից։ Միայն հեռախոս և համացանց ունենալով՝ հարթակի յուրաքանչյուր այցելու կարող է սովորել ամեն ինչ։

Ինչ է տալիս «Քան» ակադեմիան
 

Սովորողին 

• Անհատականացված ուսումնառություն 
• Ինքնակրթություն՝ գործնական ու խաղային վարժությունների, տեսադասերի միջոցով
• Վստահելի բովանդակություն՝ հիմնված արդի ու վստահելի աղբյուրների վրա

Ուսուցչին 

• Ավանդական կրթության արդյունավետ լրացում՝ հիբրիդային ուսուցման արդի մեթոդների ու փորձի կիրառմամբ
• Երեխաների առաջադիմությունը վերահսկելու և ստուգելու հնարավորություն
• Սովորողների գիտելիքային բացերը հայտնաբերելու և լրացնելու գործիքակազմ

Ծնողին 

• Երեխայի առաջադիմությանը հետևելու հնարավորություն 
• Երեխայի հետաքրքրությունները բացահայտելու գործիք 
• Կրթությունը համատեղ ընտանեկան ժամանցի և առօրյայի մաս դարձնելու միջոց

Այսօր «Քան» ակադեմիայի հայալեզու հարթակն ունի՝
•    4 300 տեսանյութ,
•    2 114 000 դիտում,
•    782 962 այցելու,
•    35 409 սովորող,
•    10 514 ուսուցիչ,
•    4 090 ծնող։

Հարթակում նոր նյութերի տեղադրմանը զուգընթաց շարունակվում են առկա ռեսուրսների որակի վերահսկումն ու բարելավումը՝ ապահովելու կրթական լավագույն փորձառությունը ամենքի համար։