Սերտորեն համագործակցելով հիմնադրամի ղեկավարության հետ՝ նախաձեռնել հասարակության և «Այբ» համայնքի տարբեր խմբերի հետ հարաբերությունները պահպանելուն ու զարգացնելուն միտված հաղորդակցության ռազմավարության մշակումը, ինչպես նաև մշակել հաղորդակցության ռազմավարություն առանձին նախագծերի կամ միջոցառումների համար
Ապահովել «Այբ»-ի գործունեության շարունակական հանրային աջակցություն՝ ընտրելով հաղորդակցության առավել արդյունավետ միջոցներ ըստ թիրախային լսարանների
Հանդես գալ վերը նշված նպատակներին հասնելու համար նորարարական և ստեղծարար գաղափարներով, որոնք հիմնադրամի ղեկավարության կողմից հաստատումից հետո կյանքի կոչել
Նախաձեռնել իրազեկման և մարկետինգային արշավներ հանրային ու սոցիալական լրատվամիջոցներում, ընտրել և կիրառել ամենահարմար գործիքները՝ հրավիրելու նպատակային խմբերի ուշադրությունը, կատարել իրականացված արշավներից ստացված արդյունքների վերլուծություն
Լուսաբանել «Այբ»-ի ծրագրերն ու ընթացիկ իրադարձությունները՝ համագործակցելով մյուս բաժինների աշխատակիցների հետ
Համակարգել հաղորդակցության բաժնի և հիմնադրամի/դպրոցի այլ բաժինների միջև աշխատանքը՝ ապահովելով տեղեկույթի հստակ և ժամանակին փոխանցում
Առաջնորդել հաղորդակցության բաժնի աշխատանքը, թիմի անդամների համար սահմանել նպատակներ, առաջնահերթություններ և ժամանակացույցներ
Արդյունավետորեն բաշխել ստորաբաժանման աշխատակիցների պարտականությունները, ապահովել համագործակցված և արդյունավետ աշխատանք, խթանել թիմի անդամների մասնագիտական զարգացումը
Վերահսկել ստեղծվող բովանդակության և իրականացվող արշավների որակը՝ համապատասխանեցնելով դրանք «Այբ»-ի արժեքներին, ռազմավարական նպատակներին և հաղորդակցության ոճին
Ստեղծել որակյալ հայերեն բովանդակություն, աշխատել անգլերեն ու ռուսերեն տեքստերի հետ` համագործակցելով թարգմանչի և խմբագրի հետ, ապահովել ստեղծված բովանդակությունը տպավորիչ և ընդունելի կերպով արտացոլող պատկերների ստացումը դիզայների կողմից
Կատարել հանրային հաղորդակցության հարթակներում «Այբ»-ի գործունեությանն ու ծրագրերին, անհրաժեշտության պարագայում նաև առհասարակ կրթության ոլորտին վերաբերող նյութերի ամենօրյա մշտադիտարկում, կազմել մշտադիտարկման հաշվետվություններ ու վերլուծություններ, հանդես գալ համապատասխան առաջարկներով
Կատարել կրթական այլ կառույցների հանրային կապերի արշավների շարունակական մշտադիտարկում և վերլուծություն, հանդես գալ օգտակար փորձի կիրառման առաջարկություններով
Կատարել հաղորդակցության շարունակական վերլուծություն և հանդես գալ հաղորդակցության արդյունավետության մեծացման տարբերակներով
Ապահովել «Այբ»-ի գործունեության հաշվետվողականությունը
Հանդես գալ «Այբ»-ում ներքին հաղորդակցության գործընթացի բարելավման առաջարկներով
Մասնակցել հիմնադրամի և «Այբ» դպրոցի միջոցառումների կազմակերպմանը և հիմնադրամի ու դպրոցի բոլոր կարևոր միջոցառումներին, ունենալ սեփական ներդրումը «Այբ»-ի համայնքաշինության գործընթացում
Համագործակցել «Այբ»-ի բոլոր կառույցների հետ, հետևել «Այբ»-ի սկզբունքների և արժեքների արտացոլմանը դրանց հանրային կապերում
Ուսումնասիրել էլեկտրոնային մարկետինգի միտումներն ու նորությունները՝ համապատասխան բովանդակություն ստեղծելու համար
Մասնակցել «Այբ»-ի համայնքային միջոցառումների կազմակերպմանը, ունենալ սեփական ներդրումը դպրոցի համայնքաշինության գործընթացում
Ինչ ենք սպասում դիմորդից
Հաղորդակցության առնվազն երեք տարվա աշխատանքային փորձ
Բարձրագույն կրթություն հաղորդակցության, հանրային կապերի կամ այլ հարակից ոլորտում
Հայերենի գերազանց, ռուսերեն ու անգլերեն գրավոր և բանավոր խոսքի լավ տիրապետում
Առաջնորդելու կարողություն
Թիմային աշխատանքի գերազանց հմտություններ և ցանկություն
Ներկայացման և հաղորդակցման ձիրք
Նորարար և ստեղծագործ միտք
Կազմակերպչական հմտություններ
Շահառուների կարիքների և սպասելիքների բացահայտման կարողություն
Հետևողականություն աշխատանքի կատարման մեջ
Միաժամանակ մի քանի հանձնարարություն կատարելու ճկունություն
Ժամանակի կառավարման հմտություններ
Փոփոխվող գրաֆիկներին հարմարվելու ճկունություն
Համակարգչային հմտություններ (դիզայներական և մոնտաժային ծրագրերին տիրապետումը կդիտվի որպես առավելություն)
Լուսա- և տեսանկարահանման սարքերից օգտվելու իմացություն (կդիտվի որպես առավելություն)