Նվիրի՛ր ապագա
Վերադառնալ

Առարկայական խորացված դասընթացներ

Մասնագիտական կողմնորոշման առաջին ծրագիրը
Նվիրաբերել
Ծրագրի
նկարագրություն

«Այբ» կրթական հիմնադրամի առաջին ծրագրերից է։ Իրականացվել է 2006-2008 թվականներին բարձր դասարանցիների համար:

Մասնակցությունը «Այբ»-ի կազմակերպած առարկայական խորացված դասընթացներին մաթեմատիկա, ֆիզիկա, քիմիա և անգլերեն առարկաներից երկու տասնյակ շնորհաշատ դպրոցականների հնարավորություն է տվել անվճար աջակցություն ստանալու գիտելիքների զարգացման և հետագա մասնագիտության ընտրության հարցում:

Ծրագրի շրջանավարտներից շատերն ընդունվել են աշխարհի լավագույն բուհեր կամ ավարտելուն պես աշխատանքի անցել իրենց երազած մասնագիտությամբ, դարձել «Լույս» հիմնադրամի կրթաթոշակառուներ, ինչպես նաև ծրագրեր նախաձեռնել թե՛ Հայաստանում, թե՛ արտերկրում՝ ի նպաստ հայրենիքի զարգացման:

Այս ծրագրի շրջանակում է հետագայում ծնունդ առել «Այբ» հիմնադրամի կողմից 2014 թվականին գործարկված Կրթության գերազանցության ազգային ծրագրի (ԿԳԱԾ) իրականացման գլխավոր գործիքը՝ համաշխարհային մակարդակով մրցունակ և ճանաչված «Արարատյան բակալավրիատ» կրթական ծրագիրը:

Ծրագրի նպատակն էր տալ այնպիսի շրջանավարտներ, որոնք օրինակ կծառայեն իրենց քույր-եղբայրների, տարեկիցների համար և  ունակ կլինեն իրենց գիտելիքներով, փորձով, կապերով աջակցելու այլ երիտասարդների՝ հասնելու կրթական բարձունքների:

Ծրագրին մասնակցությունը աշակերտներին հնարավորություն տվեց՝

  • ձեռք բերելու մաթեմատիկայի, ֆիզիկայի, քիմիայի և անգլերենի  հիմնավոր գիտելիքներ,
  • կատարելագործելու և զարգացնելու գրավոր խոսքը, 
  • սովորելու լավագույն մասնագետներից՝ փորձված մեթոդաբանությամբ,
  • ուսումնառության մեջ գործածելու «Այբ»-ի ստեղծած ժամանակակից ուսումնական լաբորատորիաները՝ «ԱյբԼաբ»-երը,
  • օգտվելու «Այբ»-ի բոլոր կրթական ռեսուրսներից,
  • ստանալու աջակցություն բուհական ընդունելության, դիմելու կարգի, մասնագիտական պրոֆիլի մշակման և այլ հարցերի շուրջ,
  • նախապատրաստվելու միջազգային բուհական թեստերի,  
  • ստանալու մենտորական աջակցություն ինչպես հետագա կրթության, այնպես էլ կարիերայի խթանման հարցում:

Ծրագրի 20 շրջանավարտից 12-ն ընդունվեց աշխարհի լավագույն բուհեր՝ Քեմբրիջի համալսարան, Մասաչուսեթսի տեխնոլոգիական ինստիտուտ, Ստանֆորդի համալսարան, Տորոնտոյի, Քորնելի, Իլինոյսի համալսարաններ, Մոսկվայի ֆիզիկատեխնիկական ինստիտուտ և այլն։

Ծրագրի բոլոր 20 շրջանավարտներն ընդունվեցին 3 տեղական և 11 արտասահմանյան բուհեր։

Դասընթացների շրջանավարտներից մեկը՝ Արսեն Մամիկոնյանը, ժամանակին ստանալով անհրաժեշտ աջակցություն գիտելիքների զարգացման համար, տեսնելով «Այբ» համայնքի անդամների ու մասնագետների ջերմությունն ու նվիրվածությունը, բուհն ավարտելուց հետո միացավ «Այբ»-ին։ Դառնալով «Այբ» ակումբի անդամ՝ նա իր ժամանակային ու նյութական ռեսուրսների գիտակցված ներդրմամբ ձգտեց օգնել Հայաստանի կրթական ոլորտի զարգացմանը:

Օգտակար նյութեր ու հղումներ