Երեխաների՝ ազգային ոգով դաստիարակությունը, նրանց կողմից հայկական ինքնության գիտակցումը կարևորագույն բաղադրիչն են սերնդակերտման առաքելության մեջ։

Այս գաղափարը «Այբ» դպրոցում առաջին իսկ օրից իրագործվում է «պար» առարկայի միջոցով: Պարի դասերը մատուցում են «Կարին» ավանդական երգի-պարի խմբի լավագույն պարուսույցները:

Ակադեմիան նախատեսում է գործունեության չորս ուղղություն՝ կրթական, ռազմապարային, մշակութային և գիտական, որոնցից յուրաքանչյուրն ունի իր ենթաուղղությունները, որոնց շրջանակում իրականացվելու են մի շարք աշխատանքներ, մասնավորապես՝ մշակութային առարկաների համակարգում, ուսուցիչների և դասախոսների պատրաստում ու վերապատրաստում, մագիստրոսական ծրագրի ստեղծում, ռազմապարի ներդրում բանակում՝ որպես մարմնակրթության և հոգևոր դաստիարակության մաս, պարի գիտական հիմնավորում և այլն։

Ակադեմիայի գործունեությանը ավելի մանրամասն ծանոթանալու և աջակից դառնալու համար կարող եք գրել [email protected] էլhասցեին կամ զանգահարել +374-98-013-018 հեռախոսահամարով:

Համագործակից կառույցներ
Մենք շնորհակալություն ենք հայտնում բոլոր կազմակերպություններին՝ այս ծրագրի իրականացմանը աջակցելու համար.

ՀՀ Կրթության և գիտության նախարարություն
«Կարին» ավանդական երգ-պարի խումբ